QR Parlament Májilisiniń Vıse-spıkeri V.K.Bojkonyń zaýytqa kelýi
QR Parlament Májilisiniń Vıse-spıkeri V.K.Bojkonyń zaýytqa kelýi
10 maýsym kúni QR Parlament Májilisi tóraǵasynyń orynbasary V.K.Bojko Qaraǵandy oblysyna jasaǵan jumys sapary barysynda «Jakko» zaýytyna at basyn burǵan edi. Delegasıadaǵy joǵary qyzmetti qonaqtar quramynda tóraǵa orynbasary apparatynyń jáne Qaraǵandy oblysy ákimdiginiń ókilderi boldy. Sóıtip, oblystaǵy iri óndiris kásiporyndarynyń birindegi satý bóliminiń qyzmetkerlerimen jáne jumyskerlermen kezdesý ótti.
Vladımır Bojko zaýyt qyzmeti men satý bóliminiń jumysy týraly aıtylǵan áńgimelerdi barynsha ynta qoıyp tyńdap, qaljyńdap qalýdan da tartynbady. Sóıte júrip, «Jakko» qyzmetkerlerine de maqtaý aıtyp jatty. Eńbegi aýyr, ári joǵary biliktilikti qajet etetin zaýyt operatorlarymen áńgimelesýde de osyndaı jyly shyraı tanytty. Tóraǵa orynbasary V.K.Bojko satý bóliminiń basshysy Jasulan Jumaǵazınge de birneshe saýal joldaı otyryp, kompanıanyń negizgi shtaty sońynan komandasyn erte biletin kásibı deńgeıi joǵary jas basshylardan turatynyn kórip qatty tańǵaldy. Kezdesý sońynda Vladımır Karpovıch barsha zaýyt ujymynyń jumysyna kóńili tolǵanyn jetkizdi.
– Oblys pen respýblıkaǵa mańyzdy osyndaı kásiporynda jumys jasap jatqandaryńyzdy maqtan tutýlaryńyz kerek. Qazir jastardyń jumyspen qamtylýyna úlken kóńil bólinedi. Sondyqtan, bul jerde kóptegen jastardyń jumys isteıtini qatty qýantady, – dedi V.K.Bojko.
«Bıznestiń jol kartasy – 2020» Baǵdarlamasyn júzege asyrý barysynda «Jakko» zaýyty Qaraǵandy oblysynyń ekonomıkasynda úlken ról atqaratynyn erekshe atap ótý qajet. Óz ónimimen respýblıka aýmaǵyn qamtyǵan zaýyt óz brendimen birtindep jaqyn shet elder naryǵyna jol salýda. Al, «Jol kartasyna» sáıkes, óńdeýshi jáne qurylys sektorlaryndaǵy ónerkásipterge memleket tarapynan úlken nazar aýdarylady. Sóıtip, 2013 jyly zaýytty damytý úshin qarjylaı kómek kórsetildi.